Pa ddata sy’n cael ei gasglu?

Mae’r wybodaeth sydd ei hangen ar yr NJR yn cynnwys eich manylion personol a manylion eich llawdriniaeth. Fe fydd yn nodi cysylltiad rhyngoch chi a’r impiad(au) a gewch, ac unrhyw lawdriniaeth impiad cymalau a gewch chi yn y dyfodol. Os bydd perfformiad unrhyw impiad yn troi’n broblem, fe fydd hi’n haws cysylltu â chi os yw eich manylion personol ar gofrestr yr NJR.

Trwy fod â chofnod o’ch manylion personol hefyd, bydd cyfle i’r NJR eich gwahodd i gymryd rhan mewn arolwg ymateb cleifion. Bydd yr arolwg yn rhoi cyfle i chi fynegi barn ynghylch a yw ansawdd eich bywyd yn well yn dilyn eich llawdriniaeth.