Pa mor ddiogel yw fy manylion personol?

Fe fydd eich data personol yn cael ei drin yn gyfrinachol bob amser.

Mae’r NJR yn defnyddio system electronig ar gyfer casglu data. Bydd y data yn cael ei godio’n ddiogel ar gyfer ei drosglwyddo i gronfa ddata ganolog. Mae hyn yn golygu y gallwn osgoi anfon cofnodion papur trwy’r post gan sicrhau bod y data mor ddiogel â phosib.

Ni fydd eich gwybodaeth bersonol yn cael ei defnyddio y tu allan i’r NJR. Mae trefniadau i ddiogelu’r wybodaeth a’i chadw’n gyfrinachol. Os ydych yn dymuno, fe allwch chi gael copi o’ch cofnod eich hun yn unol â Deddf Diogelu Data (1998) trwy ysgrifennu at Ganolfan yr NJR.

Gallai data sy’n cael ei gasglu trwy’r NJR gael ei ddefnyddio ar gyfer ymchwil feddygol; ond, bydd y data yn ddi-enw fel na fydd hi’n bosib eich adnabod. Mae pob prosiect ymchwil yn destun adolygiad moesegol ac ni fyddant yn cael eu caniatáu oni bai fod disgwyl i’r canlyniadau fod o fudd sylweddol i ofal iechyd cleifion.