Gosod cymalau newydd

Mae impiadau artiffisial, neu prosthesisau, yn cael eu defnyddio i gymryd lle asgwrn sy’n afiach neu wedi’i ddifrodi o amgylch cymalau er mwyn i gleifion allu symud yn normal unwaith eto, i raddau. Mae’r impiadau yn dynwared siâp asgwrn a gallant gael eu gwneud o fetel, polyethylen dwysedd uchel neu gerameg.

Mae’n bosib gosod impiadau artiffisial ar gymal y glun, pen-glin, ysgwydd, ffêr, garddwrn a phenelin, er mai triniaethau i osod cluniau a phen-gliniau newydd yw’r mwyaf cyffredin o bell ffordd.

Mae impiadau yn dueddol o bara hyd at 15 mlynedd. Fe fydd eich llawfeddyg yn gwybod ba impiadau sydd fwyaf addas i chi.